للعلم ,,,, الحكم العسكري لو هيمشي مرسي، مش
هيمشيه زي مبارك..ده هيمشي عليه زي 77 كده.
وعموما ، مصر دورها ضعيف جدا دلوقتي
في الحياة السياسية الدولية..الناس هيطلع عينها وهتستنزف اقتصاديا..
لو بصينا صح هنلاقي اننا مبقاش لينا
دور رائد في المنطقة ولا بطيخ.. احنا لا بنصدر علوم، ولا علاج ولا صناعات ولا قطن
ولا خيبة
خريطة العالم العربي السياسية
والاقتصادية اتغيرت تماما..ومصر والعراق وسوريا دلوقتي كوسة بالباشاميل.. بس يظلوا
كوسة
الفاعلين الأساسين في المنطقة دلوقتي
إيران وإسرائيل (واقتصاديا كام دولة من دول الخليج) انما علميا وعسكريا إيران
وإسرائيل
ففعليا أي كلام عن أن نهضة مصر نهضة
للعرب والبطيخ بتاع الإعلام ده بلوه واشربوا ميته.. هما عايزين العمالة الرخيصة
اللي عندنا
وبالمناسبة ولا الثورة (بشكلها
الحالي) ولا الاستقرارهيفيدوا مصر بـ 3 تعريفة.. فاحنا ف مش هيتغير الوضع الراهن قريب
ومصر لا تمثل خطر على إسرائيل
بالمناسبة ، مصر لا هي قوية كفاية تردع هجوم من اسرائيل ولا هي هتقدر تبادر.
مصر مديونة بكم ديون لا تتخيلوها..
للتفاصيل الدقيقة راجعوا الحملة الشعبية لإسقاط ديون مصر - فتح عينك الدين من جيبك"
الفكرة أنه الديون دي هتشل البلد لـ
100 سنة قدام لو محصلتش حركة راديكالية أنكرتها كلها وقالتلهم بلوها واشربوا ميتها
ومرسي الأهبل رايح ياخد قرض تاني من
البنك الدولي، بشروط هتخلي الناس تقوم عليه قومة سودة..لانه مش ضريبة كروت شحن هيا
رفع الدعم عن البنزين هيخلي كل السلع
تغلى في كل حتى في الجمهورية؛ لأن جزء من تكلفة السلعة تكلفة نقلها!
وأصلا المدخول بتاع السلعة مش هيغطي
تكاليف نقلها ولا انتاجها اصلا، فمش بعيد نلاقي نفسنا داخلين في مجاعة
فبأمانة بالوضع اللي احنا ماشيين فيه
ده احنا رايحين مش حارة سد، احنا رايحين جحيم من نوع جديد. إزاي؟
-مصر إقتصاديا هتنهار تماما، القرض
بشروطه هيخلوه ملوش لزمة وهيبقى مجرد عبىء مالي جديد على مصر
بالـ "حراك الثوري" الي حاصل احنا داخلين على تحرك عسكري داخلي
ضد الدولة.. وده مهواش ضد الملك.. ده ضد الاخوان
كون في "حراك عسكري-ثوري"
ضد الاخوان هيخلي في استقطاب غير مسبوق
من ناحية الاسلام السياسي سقوط
الاخوان سقوط لكل أقطاب الحركة دي، فغصبا عنهم هيقفوا في صف الاخوان او هيلبسوا
عباية جديدة
للاسف وبتوجع، هيقع ناس كتير، بس مش
هيحصل حاجة. ومستغرب اوى من الناس اللى نازله تعمل توكيلات للسيسى عشان يبقى أخرها هيبقى حل عسكري للحفاظ على شكل الدولة الحالي
والجيش هيرجع يلم عساكره ويلم الي
خرجهم من السجون تاني جوة ومعاهم ناس كتير مننا
لا عزاء في الدم كانت عركة وانفضت، بس احب افكرك ان بلدك هتفضل اقتصاديا وعسكريا وعلميا صفر
وغير كده، هتفضل مرتع لمستثمرين مش عايزين اي
عوائق بيئية او ضريبية او ربحية + عايزين عمالة رخيصة.
بس هاقولك كلمه فى ودانك يالى عايز تحلها برجوع العسكر تانى !
الجيش واقف عالحياد كتهديد للإخوان بكارت الانقلاب بس دا مرهون برضى امريكا عن الاخوان , يا سادة الدولة دي بتحكمها الولايات المتحدة وبتلعب بكل قطع الشطرانج فيها والإخوان علشان يوصلو لدا تعبو اوي في اثبات مدى قدرتهم عالخيانةوراجعو الي حصل في الاحتلال الأمريكي للعراق لما رفض كل السنة اي تفاوض مع القوات الامريكية وانخرطو في المقاومة الا الاخوان الي كانو ضمن مجلس الاخوان الي كانو ضمن مجلس الحكم الانتقالي وفضل ممثلهم (طارق الهاشمي) هو الوحيد الي لم يتغير منصبه بعد كدا كنائب للرئيس ووممثل للسنةالفكرة من الكلام دا ان ادارة الإخوان الفاشلة للملف الاقتصادي بكل اشكالها مش وليدة الصدفة او غبائهم انما هي حاجة مقصودة بدأها المجلس العسكريلازم تواجهوا الاخوان بنفس ادواتهم ومتسيبوهمش يحتكرو الخطاب الديني ويستخدموه وانتو تكتفو بقولة مش هو دا الاسلام…قولو هو ايه الاسلام الصح !!
الانقلاب العسكرى على الاخوان (خيال علمى)
ليست هناك تعليقات:
إرسال تعليق