"بـــالعـــاميـــة "
ــــــــــــــــــــــــــــــــــــــــــــــــــــ
بعد ماشوفت وسمعت تصريحات الجهات الامنيه فى المنصوره وردود افعال الناس , بصراحة انا احترت جدا ابدأ منين وازاى !
لكن هوه هوه نفس الكلام اللى بنسمعه كل مره سواء من الناس اللى ف السلطه او اللى ف الشارع او اللى فى التليفزيون" مافيش جديد "
كل يوم واحد بيتقتل الناس تنزل الشارع يومين والاعلام يهرى يومين والفيس وتويتر يهروا يومين والسلطه ودن من طين وودن من عجين !!
وفى الاخر دمه بيروح هدر زى اللى راحوا وبننسى وبنستنى اللى بعده عشان نلاقى اى حاجه تانيه نهرى فيها ونزايد ونرمى اللوم على بعض ومهما عملنا مافيش حد بيحس بالمصيبه الا صاحبها .
نفس اللى بنشوفه كل مره مع اهل شهيد جديد ! الناس تنزل الجنازه تهتف بإسمه والاعلام يستضيف اهله ويهروا معاهم فى اى كلام فارغ وخلاص المهم نملى فراغ الحلقه , وبعد كل ده بنلزق النهمة فى اى كلام فارغ ويومين والسلطه تهز طي***** ويقولك هانصرف تعويض لاهل الضحية . وهوه ده اللى بيحصل !! ماهو للأسف هوه ده سلو بلدنا .
لكن المره دى واللى حصل مع حسام ده شىء مختلف خالص , حسام مالوش اى نشاط سياسى ولا له اى انتماء لاى حزبى , ده شاب بيشتغل بإيده بيجرى على لقمة العيش اللى هيا مش موجوده اصلا , ماهو الغلبان هوه الضحيه فى الاول وفى الاخر فى ام البلد دى
ومافيش حد بيحس بيهم اصلا وكل واحد بيدور على مصلحته وبس وبلا استثناء احنا شاطرين اووووووووووى اننا نزايد على بعض غير كده كله فسسسسسسسسسسسسسسسسسسسسسسسسسس !
ذنبه ايه حسام عشان يتقتل غدر ؟! ذنبه انه مصرى ؟! شاب كان عايش فى حاله ولا له دعوه بمظاهرات ولا اعتصامات ولا الكلام ده راجل عايش عشان بنته ومراته وماكنش عايز من ربنا غير الستر,,, والله العظيم الناس اللى زى حالتنا دى مش عايزه غير الستر , لكن فيه ناس بتستكتر علينا حتى اننا نعيش مستورين , ذنبه ايه انه يتقتل غدر وبنته تتيتم وهيا عندها سنه ونص ؟ هانقول ايه اللى وداه هناك ؟ زى الكلام اللى بيتقال كل مره ؟
كلنا هاننسى زى مانسينا اللى ماتوا قبل كده بس قبل ماننسى كل واحد بيلحق يزايد ع التانى ونتاجر بدمهم لغاية لما ربنا يكرمنا بشهيد جديد . نفس اللى بيحصل بالظبط فى كل مصيبه بتحصل , ونبرر اللى بيحصل بشويه تخوين على شويه تطبيل واهوه كل بيعدى .
الحقيقه الوحيده فى البلد دى ان الغلبان فى الاول والاخر هوه اللى بيروح ف الرجلين وعيشته هيا هيا واسوأ كمان .
انتوا عارفين من كتر التمييع والتغطية والتواطوء مع الاحداث الناس فقدت الامل فقدت الثقه , كل مره واحد بيموت وراه بيت ووراه عيله ووراه اصحاب ووراه شارع ووراه منطقه , وماعدوش بياكلوا من حوارات الطرف التالت والتمويل الخارجى واللهو الخفى واى كلام فارغ انتوا عايزين تقولوه للناس , الحقيقه الوحيده اللى انا شايفها لغايه دى الوقتى ان دم حسام فى رقبة الكل ,,, واللى عايز يجيب حق حد كان جابه من زمان , لكن مش شاطرين غير فى التلقيح على بعض بالكلام واللوم وخلاص !
حسام ذنبه ايه انه يتقتل ؟! راجل مالوش اى علاقه بإعتصامات ولا اى كلام من ده عشان دمهم يروح هدر وتتطلعوا فى الاعلام تزايدوا على بعض بدمه وتدخلوه فى صراع سياسى على مصالح شخصيه , مع انه مالهوش علاقه بالحوارت دى ولا من قريب ولا من بعيد .
قبل كده ناس ماتت عشان اعتصمت وضيعت هيبة الدوله , لكن هيبة الدوله الحقيقيه انك تحافظ على حياة الناس دى اللى انتوا بتساهموا فى قتلهم وبتبرروا موتهم بأى كلام فارغ . انتوا كده بتصنعوا غابه وبعدين تقولى هدوء تعقن ماتروحش هناك ايه اللى وداهم هناك كل ده لاهالى الناس اللى ماتت ونستكتر على اللى بينزلوا او يغضبوا عشان حق الناس دى وبيتقتلوا برضه
ربنا مايرضاش بالظلم ده ولا الافتراء ده واللى يلزق التهمة فى مؤامرات وهمية ربنا قادر ان هوه يفضحة .
مرت 3 ايام على استشهاد حسام والناس بدأت تنسى وبتدور على اى حاجه تانيه يهروا فيها وخلاص زى كل مره بتحصل فيها مصيبه وماحدش هايحس ولا بأهله ولا بمراته ولا ببنته !
ربنا يصبر اهله ومش هاقول غير كلمه واحده سمعتها من مراته " ذنبه ايه حسام لما يموت كده , منه لله اللى كان السبب "
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ولسه الدم المصرى رخيص !!!!!!!!!!!!!!!!!!!
ــــــــــــــــــــــــــــــــــــــــــــــــــــ
بعد ماشوفت وسمعت تصريحات الجهات الامنيه فى المنصوره وردود افعال الناس , بصراحة انا احترت جدا ابدأ منين وازاى !
لكن هوه هوه نفس الكلام اللى بنسمعه كل مره سواء من الناس اللى ف السلطه او اللى ف الشارع او اللى فى التليفزيون" مافيش جديد "
كل يوم واحد بيتقتل الناس تنزل الشارع يومين والاعلام يهرى يومين والفيس وتويتر يهروا يومين والسلطه ودن من طين وودن من عجين !!
وفى الاخر دمه بيروح هدر زى اللى راحوا وبننسى وبنستنى اللى بعده عشان نلاقى اى حاجه تانيه نهرى فيها ونزايد ونرمى اللوم على بعض ومهما عملنا مافيش حد بيحس بالمصيبه الا صاحبها .
نفس اللى بنشوفه كل مره مع اهل شهيد جديد ! الناس تنزل الجنازه تهتف بإسمه والاعلام يستضيف اهله ويهروا معاهم فى اى كلام فارغ وخلاص المهم نملى فراغ الحلقه , وبعد كل ده بنلزق النهمة فى اى كلام فارغ ويومين والسلطه تهز طي***** ويقولك هانصرف تعويض لاهل الضحية . وهوه ده اللى بيحصل !! ماهو للأسف هوه ده سلو بلدنا .
لكن المره دى واللى حصل مع حسام ده شىء مختلف خالص , حسام مالوش اى نشاط سياسى ولا له اى انتماء لاى حزبى , ده شاب بيشتغل بإيده بيجرى على لقمة العيش اللى هيا مش موجوده اصلا , ماهو الغلبان هوه الضحيه فى الاول وفى الاخر فى ام البلد دى
ومافيش حد بيحس بيهم اصلا وكل واحد بيدور على مصلحته وبس وبلا استثناء احنا شاطرين اووووووووووى اننا نزايد على بعض غير كده كله فسسسسسسسسسسسسسسسسسسسسسسسسسس !
ذنبه ايه حسام عشان يتقتل غدر ؟! ذنبه انه مصرى ؟! شاب كان عايش فى حاله ولا له دعوه بمظاهرات ولا اعتصامات ولا الكلام ده راجل عايش عشان بنته ومراته وماكنش عايز من ربنا غير الستر,,, والله العظيم الناس اللى زى حالتنا دى مش عايزه غير الستر , لكن فيه ناس بتستكتر علينا حتى اننا نعيش مستورين , ذنبه ايه انه يتقتل غدر وبنته تتيتم وهيا عندها سنه ونص ؟ هانقول ايه اللى وداه هناك ؟ زى الكلام اللى بيتقال كل مره ؟
كلنا هاننسى زى مانسينا اللى ماتوا قبل كده بس قبل ماننسى كل واحد بيلحق يزايد ع التانى ونتاجر بدمهم لغاية لما ربنا يكرمنا بشهيد جديد . نفس اللى بيحصل بالظبط فى كل مصيبه بتحصل , ونبرر اللى بيحصل بشويه تخوين على شويه تطبيل واهوه كل بيعدى .
الحقيقه الوحيده فى البلد دى ان الغلبان فى الاول والاخر هوه اللى بيروح ف الرجلين وعيشته هيا هيا واسوأ كمان .
انتوا عارفين من كتر التمييع والتغطية والتواطوء مع الاحداث الناس فقدت الامل فقدت الثقه , كل مره واحد بيموت وراه بيت ووراه عيله ووراه اصحاب ووراه شارع ووراه منطقه , وماعدوش بياكلوا من حوارات الطرف التالت والتمويل الخارجى واللهو الخفى واى كلام فارغ انتوا عايزين تقولوه للناس , الحقيقه الوحيده اللى انا شايفها لغايه دى الوقتى ان دم حسام فى رقبة الكل ,,, واللى عايز يجيب حق حد كان جابه من زمان , لكن مش شاطرين غير فى التلقيح على بعض بالكلام واللوم وخلاص !
حسام ذنبه ايه انه يتقتل ؟! راجل مالوش اى علاقه بإعتصامات ولا اى كلام من ده عشان دمهم يروح هدر وتتطلعوا فى الاعلام تزايدوا على بعض بدمه وتدخلوه فى صراع سياسى على مصالح شخصيه , مع انه مالهوش علاقه بالحوارت دى ولا من قريب ولا من بعيد .
قبل كده ناس ماتت عشان اعتصمت وضيعت هيبة الدوله , لكن هيبة الدوله الحقيقيه انك تحافظ على حياة الناس دى اللى انتوا بتساهموا فى قتلهم وبتبرروا موتهم بأى كلام فارغ . انتوا كده بتصنعوا غابه وبعدين تقولى هدوء تعقن ماتروحش هناك ايه اللى وداهم هناك كل ده لاهالى الناس اللى ماتت ونستكتر على اللى بينزلوا او يغضبوا عشان حق الناس دى وبيتقتلوا برضه
ربنا مايرضاش بالظلم ده ولا الافتراء ده واللى يلزق التهمة فى مؤامرات وهمية ربنا قادر ان هوه يفضحة .
مرت 3 ايام على استشهاد حسام والناس بدأت تنسى وبتدور على اى حاجه تانيه يهروا فيها وخلاص زى كل مره بتحصل فيها مصيبه وماحدش هايحس ولا بأهله ولا بمراته ولا ببنته !
ربنا يصبر اهله ومش هاقول غير كلمه واحده سمعتها من مراته " ذنبه ايه حسام لما يموت كده , منه لله اللى كان السبب "
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ليست هناك تعليقات:
إرسال تعليق